As fotografías deben ter resolución suficiente para reproducirse en tamaño 20×30 cm a 300 ppp.

• Formato: JPEG, en RGB, perfil sRGB IEC61966, preferiblemente en máxima calidade.
• Cada arquivo debe levar como nome o tema que representa, seguido do nome da/o autora/a.
• Pode incluírse un arquivo opcional coa orde proposta para o panel de exposición.

Non se admitirán arquivos adicionais (ex. currículo, descrición técnica, etc.). As fotos non poderán incluír firmas, símbolos ou calquera outro elemento que identifique á persoa autora.

A entrega farase a través dunha plataforma dixital (en remoto) ou fisicamente no Café UF (rúa do Pracer 19, Vigo), en memoria USB ou tarxeta.

Non se aceptarán fotos entregadas fóra de prazo.
As fotos entregadas en remoto serán descargadas nos días seguintes ao Maratón; non se confirmará a recepción a non ser que haxa algún problema, no cal se contactará directamente co/a participante.

As fotos deberán ser realizadas durante o transcurso do Maratón, tanto no interior como no exterior.

Permítese o uso de calquera material técnico e retoque fotográfico.
Non se admitirán imaxes xeradas con Intelixencia Artificial (IA). O uso de IA poderá supoñer motivo de descalificación do concurso.

As persoas que queiran participar con película fotográfica poderán facelo.
Deberán levar o seu propio carrete de 35 mm e entregalo no control de chegada.
A organización encargarase do revelado e escaneo, e enviará as imaxes ao/á participante para que elixa as catro que presentará ao Maratón.

As fotos presentadas non deberán ser publicadas en redes sociais nin en webs ata despois da exposición, para garantir a imparcialidade do xurado.

Aínda que se garante a independencia do xurado, recoméndase manter as imaxes inéditas.

• 1º premio: 1.000 €
• 2º premio: 500 €
• 3º premio: 300 €
• 3 accésits

Premio Xuvenil Óptica Studio:
Para idades entre 14 e 18 anos.

4 premios infantís:
Para menores de 14 anos – Curso de fotografía na sede da AFG.

Os premios estarán suxeitos á retención fiscal vixente.
Será obrigatoria a presenza das/dos gañadoras/es no acto de entrega, agás causa xustificada con delegación en amizades ou familiares.

O xurado estará composto por:

• Presidente: O Concelleiro-delegado de Cultura ou persoa en quen delegue.
• Vocais: Un mínimo de 4 persoas de recoñecido prestixio nos ámbitos da fotografía, imaxe, arte ou medios.
• Secretario/a: Membro da AFG, con voz pero sen voto.

A selección será anónima e valorarase:

• Coherencia co tema
• Coherencia da serie
• Orixinalidade
• Calidade técnica (nitidez, cor, contraste…)
• Calidade artística (enfoque, cadrado, tema…)

Todas as fotos presentadas deberán ser feitas no transcurso do Maratón. As fotografías poderán ser tomadas tanto no exterior como no interior. Igualmente, poderase facer uso do material técnico de calquera tipo, así como o retoque fotográfico que os e as participantes consideren necesario.

Durante o Maratón existirá un Comité de Control formado por tres membros da organización, que poderá resolver calquera controversia ou interpretar estas bases.

As súas decisións serán definitivas.

As reclamacións deberán enviarse por correo electrónico, identificándose e achegando probas.

Non se aceptarán queixas anónimas nin a través de redes sociais. Estas poderán ser eliminadas se non están fundamentadas ou conteñen comentarios ofensivos.

O feito de participar implica a aceptación total destas bases.
Consulta as nosas políticas legais e de devolución en:
👉 www.agrupacionfotograficagalega.com